कसरी हरायाे टेलिकमका पाेष्टपेड प्रयाेगकर्ताकाे ब्यालेन्स ? नेपाल टेलिकमका लाखौं पोस्टपेड मोबाइल प्रयोगकर्ताको ब्यालेन्स शुक्रबार गायब भएको छ । ग्राहकको फोनमा ब्यालेन्स कम हुने तथा वन वे हुने समस्या देखिएको हो । टेलिकमका प्रवक्ता किशोरकुमार भट्टका अनुसार कम्पनीको सिस्टममा समस्या आउँदा केही समयका लागि कल ब्यारियर हुने समस्या देखिएको थियो । 'हाम्रो सिस्टममा समस्या आउँदा पोस्टपेड ग्राहकले समस्या सामना गर्नुपर्‍यो,' प्रवक्ता भट्टले भने, 'अहिले यो समस्याको समाधान भएको छ ।' यसरी टेलिकमको सेवामा समस्या आउँदा धेरै प्रयोगकर्ताले ब्यालेन्स रिचार्ज गरी सेवा सुचारु गरेका थिए ।

अर्थमन्त्रीले गरे सचिवहरुसँग कार्यसम्पादन सम्झाैता उपप्रधानमन्त्री एवं अर्थमन्त्री विष्णुप्रसाद पौडेल र सचिवहरुबीच कार्य सम्पादन करार सम्झौता भएको छ । कार्य सम्पादन सम्झौतामा चालू आर्थिक वर्षमा गरिने कार्यक्रमहरु, लक्ष्यहरु र समयसीमा उल्लेख गरिएको छ । अर्थ मन्त्रालयमा आयोजित कार्यक्रममा अर्थमन्त्री पौडेल र अर्थ सचिव डा. रामप्रसाद घिमिरे, राजस्व सचिव दिनेशकुमार घिमिरे र महालेखा नियन्त्रक विनोदप्रकाश सिंहबीच छुट्टा-छुट्टै कार्य सम्पादन करार सम्झौता भएको हो । अर्थमन्त्री पौडेलले कार्य सम्पादन सम्झौता मूल्यांकनको महत्वपूर्ण आधार हुने उल्लेख गर्दै सिङ्गो टीमलाई परिचालन गरेर सचिवहरु र महालेखा नियन्त्रक सम्झौतामा उल्लेखित कार्यक्रम कार्यान्वयनमा खरो रुपमा उत्रिने विश्वास व्यक्त गरे । अर्थसचिव डा.घिमिरेले वार्षिक कार्यक्रम र नीतिसँग सामजस्यता…

विद्युत प्राधिकरणले कमायाे ९ वर्षमा ४७ अर्ब नाफा, आइपिओ जारी गर्ने घाेषणा आर्थिक वर्ष २०७२/७३ सम्म ९ अर्ब घाटामा रहेको नेपाल विद्युत प्राधिकरणले नौ वर्षमा ४७ अर्ब नाफा कमाएको छ । विद्युत प्राधिकरणका प्रवन्ध निर्देशक कुलमान घिसिङले शुक्रबार आफ्नो दोस्रो कार्यालयको तीन वर्ष पूरा भएको अवसर पारेर आयोजित पत्रकार सम्मेलनमा उक्त जानकारी दिएका हुन् । उनका अनुसार प्राधिकरण आर्थिक वर्ष २०७२/७३ मा एकै वर्ष ८ अर्ब ८९ करोड रुपैयाँ खुद नोक्सानीमा थियो । त्यसको एक वर्षपछि आर्थिक वर्ष २०७३/७४ मा १ अर्ब ५० करोड रुपैयाँ खुद नाफा कमाएको उनले बताए । ‘गत आर्थिक वर्षमा मात्रै १३ अर्ब ३१ करोड नाफा…