'विकास निर्माणका काममा सत्ता पक्ष प्रतिपक्षसँग सँगसँगै हिँडाैं' उपप्रधान एवं अर्थमन्त्री विष्णु पौडेलले विकास निर्माणका काममा सत्ता पक्ष प्रतिपक्षसँग सँगसँगै हिँड्नुपर्ने बताएका छन् । बुटवलमा लुम्बिनी प्रदेश गौरवको आयोजना लुम्बिनी प्रादेशिक अस्पतालको अत्याधुनिक भवनको शिलान्यास गर्दै अर्थमन्त्री पौडेलले विकासका काममा सत्ता र प्रतिपक्ष मिलेर काम गर्नुपर्ने बताए । उनले आयोजना सम्पन्न गर्नका लागि जनस्तरबाट निगरानी गर्नुपर्ने भन्दै समयमै निर्माणको काम सक्न निर्माण कम्पनीलाई निर्देशन पनि दिए। अस्पतालको निर्माण ठेक्का समयमै काम सकेर स्याबासी कमाउन प्रदेश सरकार, प्रदेश पूर्वाधार विकास प्राधिकरण र निर्माण कम्पनीलाई उनले आग्रह गरेका हुन् । उनले तीन वर्षमा सक्छु भनेको काम नसकेर पछुताउने अवस्था नआओस् भन्दै भनेकै…

कपिलवस्तुको कृष्णनगरमा निःशुल्क स्वास्थ्य शिविर स्व.वक्तावारीदेवी गोयल कल्याणकारी कोषले भैरहवास्थित युनिभर्सल कलेज अफ मेडिकल साइन्सेज, भैरहवाकोे समन्वयमा साउन १९ गते कपिलवस्तुको कृष्णनगरमा निःशुल्क स्वास्थ्य शिविर गरेको छ । कृष्णनगरस्थित लक्ष्मीनारायण मन्दिर धर्मशाला परिसरमाशिविर सञ्चालन गरिएको हो । बिहान ९ः३० बजेदेखि सुरु भएको शिविरमा कृष्णनगर र आसपासबाट आएका करिब ४५० बिरामीहरुले स्वास्थ्य जाँच गराएका थिए । एक दिने शिविरमा समान्य चिकित्सक, महिला रोग, हाडजोर्नी तथा नसारोग, बाल रोग, नाक कान घाँटी, रगत परीक्षण, दाँत तथा गिजा रोग, इ.सी.जी, छाला तथा यौन रोगलगायत रोगहरुको निःशुल्क जाँच, परीक्षण तथा निःशुल्क औषधि वितरण गरिएको कोषका अध्यक्ष विश्वनाथ गोयलले बताए ।